സംഘ് പരിവാറിൽ ഒരു നാസിപ്പട പതുങ്ങിയിരിക്കുന്നു

1930 കളിൽ ജർമ്മനിയിൽ ഹിറ്റ്ലറുടെ നേതൃത്വത്തിൽ നടന്ന ജൂതവിരുദ്ധ പ്രവർത്തനങ്ങൾ തുടങ്ങിയത് ലഘുവായ പ്രചാരണങ്ങളിലൂടെയായിരുന്നു . അവർ മറ്റേതൊരു സമൂഹത്തിലുമുള്ളതുപോലെ നടത്തിയിരുന്ന സാമ്പത്തിക പ്രവർത്തനങ്ങൾ ജർമ്മൻ ജനതയോടുള്ള ഭീകരതയായി വ്യാഖ്യാനിച്ചു. താമസിയാതെ ജർമ്മനിയുടെ എല്ലാ സാമ്പത്തിക സാമൂഹ്യ കുഴപ്പങ്ങൾക്കുമുള്ള കാരണക്കാരായി അവരെ കുറ്റം ചുമത്തി.

അതിവേഗം അവർ ജർമ്മനിയുടെ ചോരയൂറ്റിക്കുടിക്കുന്ന പരാദങ്ങളായി ചിത്രീകരിക്കപ്പെട്ടു .ഭരണാധികാരികളുടെ താന്തോന്നിത്തം മൂലം ഉണ്ടായ എല്ലാ കുഴപ്പങ്ങൾക്കും അവരെ ഉത്തരവാദികളാക്കി പ്രചാരണങ്ങൾ നടന്നു . ജോസഫ് ഗീബൽസ് ഇതിന്റെയെല്ലാം ചുക്കാൻ പിടിച്ചു.  താമസിയാതെ അവരെ സമൂഹമാകെ ബഹിഷ്കരിച്ചു .പാഠപുസ്തകങ്ങളിൽ കുട്ടികളെ ലൈംഗികമായി പീഡിപ്പിക്കുന്നവരാണെന്ന പരാമർശങ്ങൾ  . അതിന്റെ സചിത്ര വിവരണങ്ങൾ . അവർ മനുഷ്യരെക്കാൾ താഴെയുള്ള ഒരു വർഗമാണ . അവർ വൃത്തിഹ്ഹീനരാണ . അവരെ വിവാഹം കഴിക്കരുത് . അവരുടെ കടകളിൽ പോവരുത് . ജൂതഡോക്ടർ , വക്കീൽ എന്നിവരെ സമീപിക്കരുത് . പോയ്സനസ് മഷ്രൂം , ഡോൺ ഡ് റ്റ്രസ്റ്റ് അ ഫോക്സ് ഇൻ അ ഗ്രീൻ മെഡോ ഓർ ദ വേഡ് ഓഫ് എ ജ്യൂ , തുടങ്ങിയവ കുട്ടികൾക്കു വേണ്ടി എഴുതപ്പെട്ട ജൂതവിരുദ്ധ പുസ്തകങ്ങളായിരുന്നു . സാമൂഹ്യ സാംസ്കാരിക രംഗം ഒന്നകെ അവർക്കെതിരെ തിരിഞ്ഞു .  അവർക്കെതിരെ സിനിമകളുണ്ടായി . ദ എറ്റേർണൽ ജ്യൂ , ഫെസ്റ്റിവെൽ ഓഫ് നാഷൻസ് , തുടങ്ങിയ സിനിമകൾ അവരെ ഉന്മൂലനം ചെയ്യപ്പെടേണ്ടവരാണെന്ന ധാരണ പരത്തി .

ഇതിന്റെയെല്ലാം ഫലമായി അവർക്കെതിരെ നിയമങ്ങളുണ്ടാക്കിയപ്പോൾ ആരും എതിർക്കാനുണ്ടായിരുന്നില്ല . ന്യൂറംബർഗ് നിയമങ്ങൾ എന്നറിയപ്പെടുന്ന കുപ്രസിദ്ധ നിയമങ്ങൾ അവരുടെ എല്ലാ സ്വാതന്ത്ര്യങ്ങളും തടഞ്ഞു . അവരെ വിവാഹം കഴിക്കുന്നതും അവർക്ക് ജോലി നൽകുന്നതും എല്ലാം നിയമം മൂലം തടഞ്ഞു .

അതേ സമയം അവരുടെ സ്ഥിതിയോ ? അപ്പോഴേക്കും അവർ കൂട്ടിലകപ്പെട്ട എലിയെപ്പോലെ ജീവനു വേണ്ടി യാചിക്കുന്ന അവസ്ഥയിലായിരുന്നു, തിർത്തും നിസ്സഹായരും ദയനീയരുമായിരുന്ന അവർക്കരെതിരെയാണ`  സർവശക്തിയുമുപയോഗ്ഗിച്ച` നാനാ വശങ്ങളിൽ നിന്നും നാസികൾ  ആക്രമണം നടത്തിക്കൊണ്ടിരുന്നത്.

ലോകം നാനാ വിധമായി ചിതറിപ്പോയ രണ്ട് ലോകയുദ്ധങ്ങൾക്ക് വഴി വെച്ച ജർമനിയുടെ അന്ധ ദേശീയതയുടെ പ്രകടനം തുടങ്ങിയത് ഈ വിധമായിരുന്നു .

ജീവിതത്തിന്റെ സർവ തലങ്ങളിലും മറ്റുള്ളവരെക്കാൾ പിറകിലായ ഇന്ത്യൻ മുസ്ലിം ജനതയോട് സംഘ് പരിവാർ ചെയ്തുതുടങ്ങിയിരിക്കുന്നതും ഇതു തന്നെയാണ` . ജർമ്മനിയിൽ ആക്രമണം ആരംഭിക്കുമ്പോൾ ജൂതന്മാർ മറ്റുള്ളവരെക്കാൾ സാമ്പത്തികമായും സാമൂഹ്യമായും ഉയർന്ന നിലയിലെങ്കിലുമായിരുന്നു . എന്നാൽ മറ്റു സമുദായങ്ങളെക്കാൾ എല്ലാ നിലക്കും പിറകിലാണ ഇന്ത്യൻ മുസ്ലിം സമൂഹം .

അവർ നടത്തുന്ന അനാഥാലയങ്ങളിലേക്ക് അവരിൽ തന്നെ പെട്ട കൂടുതൽ കഷ്ടപ്പാടനുഭവിക്കുന്നവരെ അല്പമെങ്കിലും സഹായിക്കാനാവുമെന്ന പ്രതീക്ഷയോടെ  കൊണ്ടു വന്നപ്പോൾ നടപടി ക്രമങ്ങൾ തെറ്റിപ്പോയിട്ടൂണ്ടാവാം . എന്നാൽ ആ പിഴവിനെ മുൻ നിർത്തി അവയവക്കച്ചവടം നടത്താനും ഭീകരവാദം പഠിപ്പിക്കാനും കുഞ്ഞുങ്ങളെ വിറ്റ് പണം സമ്പാദിക്കാനും  ബാല വേലയെടുപ്പിക്കാനും ലൈംഗിക ചൂഷണം നടത്താനും വേണ്ടിയാണ കുട്ടികളെ കൊണ്ടു വന്നതെന്ന് ശഠിക്കാനും  ഈ അതിക്രമങ്ങൾക്കെതിരെ എടുക്കുന്ന മനുഷ്യക്കടത്ത് കേസ് തന്നെ എടുക്കാനും കേരളത്തിലെ സെക്യുലർ എന്ന് നടിക്കുന്നവർ വരെ തയ്യാറായിരിക്കുന്നു .

സംഘ് പരിവാരിന്റെ മന്ത്രി മേനകാ ഗാന്ധിക്ക് ഇത് മനുഷ്യക്കടത്താണെന്നതിൽ സംശയമില്ല . എന്നാൽ ഇതിനൊന്നും തെളിവ് ചോദിച്ചിട്ട് നൽകാൻ കേരളാ സർക്കാർ തയ്യാറാവുന്നില്ല എന്നവർ പരാതിപ്പെടുകയും ചെയ്യുന്നു .തെളിവില്ലാതെ തന്നെ മനുഷ്യക്കടത്താണെന്ന് അവർ വിധി പറഞ്ഞു കഴിഞ്ഞിരിക്കുന്നു .  ഭരണം കിട്ടിയ ഈ അവസരം ഉപയോഗിച്ച് കേരളാ മുസ്ലിംകളെ ജർമനിയിൽ ഹിറ്റ്ലർ ജൂതന്മാരെ ചെയ്തതുപോലെ രാക്ഷസന്മാരാക്കി ചിത്രീകരിക്കാൻ സംഘ് പരിവാറിന്റെ കേരളാ നേതാക്കൾക്ക് അതിയായ താത്പര്യമുണ്ട് . കേരളാ മുസ്ലിംകളുടെ നേതൃസ്ഥാനത്തുള്ളവർ തന്നെ നടത്തുന്ന സ്ഥാപനങ്ങൾ മനുഷ്യക്കടത്ത് എന്ന ഹീനകൃത്യം ചെയ്യുന്നു അഥവാ മുസ്ലിം സമുദായം തന്നെ അതി നീചന്മാരാണെന്ന് പ്രചരിപ്പിക്കാൻ സംഘികൾ ശ്രമിക്കുകയാണ` .ഇതുപോലെ മിഥ്യയായ  അനേകം വിഷയങ്ങൾ അവർ ഭാവിയിൽ പൊക്കിക്കൊണ്ടു വരാതിരിക്കില്ല . കേന്ദ്ര സർക്കാറിലെ ഭരണത്തിന്റെ സഹായത്തോടെ ആ വിഷയങ്ങൾ വിഷം തുപ്പും .അതിന്റെ പേരിൽ നിയമ നടപടികൾ വരെ പ്രതീക്ഷിക്കാം .  മുസ്ലിംകളെ ലോകത്ത് ജീവിക്കുന്ന ഏറ്റവും നികൃഷ്ടരാക്കുന്ന്തോടൊപ്പം ഹിന്ദുക്കളെ ധ്രുവീകരിച്ച് തങ്ങൾക്കനുകൂലമാക്കാനും സാധിക്കും . കേരളത്തിൽ താമര വിരിയിക്കുന്നതിന` എതിരു നിന്ന ജനങ്ങളെ പാഠം പഠിപ്പിക്കാം . ഇന്ത്യയിലെ ഏറ്റവും പിന്നോക്കമെന്ന് സച്ചാറും മിശ്രയും പറഞ്ഞ ജനത ഇന്ത്യയുടെ സമ്പത്ത് കൊള്ളയടിക്കുന്നവരായി മാറും . അതിനുള്ള വെടികളാണ നജ്മ ഹിബ്ത്തുള്ള സംവരണത്തിനെതിരെ ആദ്യം പൊട്ടിച്ചത് .

മറുവശത്ത് അകത്ത് സംഘിയായിരിക്കുകയും കോൺഗ്രസ് പോലുള്ള ഒരു പാർട്ടിയിൽ എത്തിപ്പെടുകയും ചെയ്തവർ തങ്ങളുടെ തനിനിറം ശങ്കയില്ലാതെ പുറത്തറിയിക്കാൻ മോഡിഭരണത്തിന്റെ തണൽ ഉപയോഗപ്പെടുത്തുകയാണ`.

16 കോടി വരുന്ന ഇന്ത്യൻ മുസ്ലിംകൾക്കെതിരെ മോഡി ഭരണം ഏതു വിധത്തിലാണ` നടപടികൾ സ്വീകരിക്കുകയെന്നതിന്റെ സൂചനയാണ` മേനകയും നജ്മയും അടക്കമുള്ള മന്ത്രിമാരുടെ പ്രവർത്തനങ്ങൾ . . കേരളാ മുസ്ലിംകൾക്കെതിരെ ഭരണത്തിലുള്ള സംഘ് പരിവാറിന` കിട്ടിയ ടെസ്റ്റ് കേസാണ അനാഥാലയ വിവാദം.

ഈ ഹിന്ദുത്വ അജണ്ട തിരിച്ചറിയാതെയും അതിന്റെ രാഷ്ട്രീയം മനസിലാക്കാതെയുമാണ വി.എസ്. അടക്കമുള്ളവർ മെഗാഫോണുകളാവുന്നത് .ഇന്ത്യൻ മുസ്ലിംകൾക്കു നേരെ കുതിര കയറുന്ന സംഘികൾ ഹിന്ദു പേരുള്ളതിനാൽ തങ്ങൾക്കു നേരെ തിരിയില്ലെന്ന് ഇവർ ആശ്വസിക്കുന്നുണ്ടോ ? എങ്കിൽ ആ ആശ്വാസം അതീവ ഭയാനകമാണെന്ന് അറിയുക . അവരുടെ ആ ആശ്വാസം തകർക്കുക ഇന്ത്യയുടെ ബഹുസ്വരതയെ , നിർഭയമായി  അഭിപ്രായം പറയാനും സ്വതന്ത്ര മനുഷ്യനായി ജീവിക്കാനുമുള്ള സാഹചര്യത്തെ , ജനാധിപത്യത്തെ , മതേതരത്വത്തെ , സർവോപരി ഇന്ത്യയെത്തന്നെ ആയിരിക്കും . ഇന്ത്യയുടെ തകർച്ച ഇന്ത്യയിൽ ഒതുങ്ങി നിൽക്കുന്നതായിരിക്കില്ല . അത് പുറത്തേക്കും വ്യാപിക്കും . മോഡിയിൽ ഒരു ഹിറ്റ്ലർ പതുങ്ങിയിരിക്കുന്നു . സംഘ് പരിവാറിൽ ഒരു നാസിപ്പട പതുങ്ങിയിരിക്കുന്നു